[spt-posts-ticker]

ఫిబ్రవరిలోనే కరోనాకు భారత్‌ బయోటిక్‌ వ్యాక్సిన్‌

న్యూఢిల్లీ  : కరోనా వైరస్‌ నిర్మూలనకు భారత్‌ బయోటెక్‌ రూపొందిస్తున్న కోవాగ్జిన్‌ వ్యాక్సిన్‌ ఫిబ్రవరిలోనే రానుంది. భారత వైద్య పరిశోధన మండలి(ఐసిఎంఆర్‌)తో కలిసి భారత్‌ బయోటెక్‌ కంపెనీ ఈ వ్యాక్సిన్‌ను రూపొందిస్తున్న సంగతి తెలిసిందే. కొవాగ్జిన్‌ టీకా వచ్చే ఏడాది మార్చి తర్వాత అందుబాటులోకి వస్తుందని తొలుత ఐసిఎంఆర్‌ అంచనా వేసినప్పటికీ, మొదటి రెండు దశల ఫలితాలు ఆశాజనంగా ఉండడంతో.. వ్యాక్సిన్‌ ఫిబ్రవరిలోనే విడుదలయ్యే అవకాశం ఉందని ఐసిఎంఆర్‌ సీనియర్‌ శాస్త్రవేత్త రజనీకాంత్‌ అన్నారు. మూడో దశ ప్రయోగాలు ఈ నెలలో ప్రారంభం కానున్నాయని తెలిపారు. ఆయన మాట్లాడుతూ వ్యాక్సిన్‌ సమర్థంగా పనిచేస్తోందని అన్నారు. మూడోదశ ప్రయోగాలు కాకముందే వ్యాక్సిన్‌ అందజేస్తారా అన్న ప్రశ్నకు దీనిపై ఐసిఎంఆర్‌ నిర్ణయం తీసుకోవాల్సి ఉందన్నారు. ఫేజ్‌ ా1, ఫేజ్‌ా2 ప్రయోగాల్లోనూ, జంతువులపై జరిపిన ప్రయోగాల్లోనూ వ్యాక్సిన్‌ సమర్థంగా పనిచేసిందని చెప్పారు. అయితే, మూడోదశ ఫలితాలు పూర్తికాకుండా నూరు శాతం కచ్చితంగా పనిచేస్తుందని అప్పుడే చెప్పలేమన్నారు. అత్యవసర వినియోగంపై ప్రభుత్వం కూడా ఆలోచన చేస్తోందని రజనీకాంత్‌ అన్నారు. వ్యాక్సిన్‌ అందుబాటులోకి వచ్చే అంశంపై భారత్‌ బయోటెక్‌ ఎలాంటి ప్రకటనా చేయలేదు.

[su_button url="https://wa.me/917013260176?text=Hi" background="#007a09"]Whatsapp me [/su_button]

Leave a Reply

Your email address will not be published. Required fields are marked *